کمپیئر دلدار پرویز بھٹی کی 25ویں برسی 30 اکتوبر کو منائی جائے گی

وہ 30 نومبر 1948ء کو گوجرانوالہ میں پیدا ہوئے اور ابتدائی تعلیم بھی ادھر ہی حاصل کی۔دلدار بھٹی نے اپنے کریئر کا آغاز بطور مدرس کیا تھا اور ساہیوال کے گورنمنٹ کالج میں لیکچرار تعینات ہوئے۔مختصرعرصے میں سینکڑوں دلوں میں گھر کرنے والے ٹی وی اور ریڈیو کے ہر دلعزیز کمپیئر اپنی حاضر جوابی میں بے مثال تھے۔بیک وقت اردو، انگریزی اور پنجابی زبانوں پر عبور، ان کی پہچان کی وجہ بنا اور اِن تینوں زبانوں میں برجستہ مزاح ان کی کمپیئرنگ کا خاصہ تھا۔پی ٹی وی کو پنجابی میں پہلا کوئز شو شروع کرنے کا آئیڈیا دلدار پرویز بھٹی نے دیا اور ’’ٹاکرا‘‘نامی اس پروگرام سے اپنے فنی سفر کا آغاز کیا۔اس کے علاوہ میلہ، یادش بخیر، اور پنجند جیسے مقبول عام پروگرام بھی کامیابی سے پیش کئے۔وہ پی ٹی وی سے 1974ء سے 1994ء تک منسلک رہے اور اس دوران انہون نے کمپیئرنگ کو نئی جہتوں سے روشناس کرایا اور اپنے علم و فراست، شائستگی اور حاضر دماغی سے لاکھوں دلوں میں جگہ بنائی۔انہوں نے ٹی وی پر جواں فکر کے نام سے بھی پروگرام پیش کیا ۔