ایشین کلچرل ایسوسی ایشن آف پاکستان کے زیر اہتمام جشن آزادی میوزیکل فیسٹیول مقبوضہ کشمیرسے اظہار یکجہتی کیلئے منسوخ کر دیا گیا ہے، سید سہیل بخاری

ایشین کلچر ل ایسوسی ایشن آف پاکستان کے زیر اہتمام 31اگست کو ہونے والے جشن آزادی میوزیکل فیسٹیول مقبوضہ کشمیر کے مظلوم بھائیوں کے ساتھ اظہار یکجہتی کیلئے منسوخ کر دیا گیا ہے اس بات کا اعلان سیکرٹری جنرل ایشین کلچرل ایسوسی ایشن آف پاکستان اور چئیرمین ایوارڈز کمیٹی سیدسہیل بخاری سجادہ نشین حضرت سید پیر مکی ؒ لاہور نے کیا ہے انہوں نے حکومت پاکستان اور حکومت پنجاب کے علاوہ پرائیویٹ اداروں سے بھی اپیل کی ہے کہ وہ میوزیکل پروگرامز کشمیری بھائیوں کے ساتھ اظہار ہمدردی کیلئے منسوخ کر دیں کیونکہ کشمیر پاکستان کی شہ رگ ہے اور دشمن اس وقت شہ رگ کا ٹنے کے درپے ہیں اور ہم پاکستانی جشن منا رہے ہیں۔ ہماری غیرت یہ گوارا نہیں کرتی کہ ایک طرف کشمیر میں خون کی ہولی کھیلی جا رہی ہے اور ہم ڈھول ڈھمکے کے ساتھ جشن آزادی پوری دنیا میں منارہے ہیں۔ انہوں نے تمام سرکاری ثقافتی اداروں سے بھی اپیل کی ہے کہ وہ اب ان تقریبات سے اجتناب کریں۔ جشن آزادی منایا گیا ہے اس پر ہی اکتفا کریں۔