فنکار اور ڈیزائنر کا چولی دامن کا ساتھ ہوتا ہے، ایسی تقریبات مل بیٹھنے کا بہانہ ہوتی ہیں،
فنکار آپس میں فیملی کی طرح ہوتے ہیں، اس لیئے دکھ سکھ میں اکھٹے ہوتے ہیں
(رپورٹ و تصاویر،،انجم شہزاد)
فیشن ڈیزائننگ شوبز کے حوالے سے ایک اہم شعبہ ہے، کیونکہ ڈیزائنر فنکاروں کے لیئے نت نئے ملبوسات تیار کرتے ہیں، جنہیں زیب تن کر کے فنکار مختلف تقاریب میں شریک ہوتے ہیں اور جب تقریب ہو کسی ڈیزائنر کی تو یہ کیسے ہو سکتا ہے کہ فنکاروں کی کہکشاں اس تقریب میں نا ہو ایسی ہی ایک سالگرہ تقریب گزشتہ دنوں لاہور کے مقامی ہوٹل میں منعقد ہوئی اس تقریب کے دولہا نامور فیشن ڈیزائنر میاں وصی تھے، جنہوں نے مختصر عرصہ میں فیشن ڈیزائننگ میں منفرد مقام بنا لیا ہے، میاں وصی سبھی سے پیار محبت اخلاق سے ملتے ہیں،یہی وجہ ہے کہ ان کی سالگرہ تقریب میں فنکاروں نے شرکت کی اور خوب ہلہ گلہ کیا، تقریب میں جن نمایاں فنکاروں نے شرکت کی ان میں مہمان خصوصی نامور اداکارہ و گلوکارہ میگھا تھی جو وقت مقررہ پر ہوٹل میں موجود تھیں ، ہال کے مخصوص کونے کو خوبصورتی سے سجایا گیا تھا، جس پر ہیپی برتھ ڈے میاں وصی نمایاں تھا، مہمانوں کے استقبال کے لیئے میاں وصی خود موجود تھے،آنے والے مہمان میاں وصی کے لیئے تحائف اور پھولوں کے گلدستے لے کر آئے، سالگرہ کے لیئے کیک خصوصی طور پر تیار کروایا گیا تھا، جب کیک ٹیبل پر لایا گیا تو تقریب میں موجود سب فنکاروں نے پسند کیامیگھا کے علاوہ سالگرہ تقریب میں نامور بیوٹیشن روبی شہزاد، شہزاد علی، لائبہ خان، بیا خان، عینی طاہرہ، گلوکار ندیم بٹ، معروف ماڈل اقرا مقصود،گلوکار عمران نیازی،میک اپ آرٹسٹ رائمہ اور دیگر نے شرکت کی، تالیوں کی گونج میں میاں وصی کی سالگرہ کا کیک کاٹا گیا، مہمانوں نے میاں وصی کو پھولوں کے گلدستے اور تحائف دیئے، اس موقع پر میاں وصی کو مہمانوں نے اپنے ہاتھوں سے کیک کھلایا ، اس موقع میگھا، اور عینی طاہرہ نے پرفارم بھی کیا اور کہا کہ میاں وصی اچھا دوست اور اچھا ڈیزائنر ہے،اس کی خوشی میں شامل ہونا بڑا اچھا لگا، معروف فیشن فوٹو گرافر صائم نے کہا کہ میاں وصی سے کافی عرصہ سے پیار محبت کا رشتہ ہے کیونکہ ہم فنکار ہی ایک دوسرے کے لیئے فیملی کی طرح ہوتے ان کی لمبی زندگی کی دعا کرتے ہیں ، میگھا نے کہا کہ نے کہا کہ فنکار ایک دوسرے کے دکھ سکھ کے سانجھے ہوتے ہیں، میاں وصی جتنا اچھا ڈیزائنر ہے اس سے کہیں بڑھ کر اچھا انسان ہے،،آج سالگرہ تقریب میں شریک ہو کے دوستوں سے ملاقات بھی ہوگئی اداکارہ لائبہ خان نے کہاکہ میاں وصی عام ڈگر سے ہٹ کر کام کرتا ہے یہی وجہ ہے کہ تھوڑے عرصہ میں منفرد مقام بنایا، دوسری اچھی بات یہ ہے کہ دوستوں کا دوست اور بااخلاق ہے،نامور ماڈل اقرا مقصود نے کہا کہ میں نے میاں وصی کے ساتھ کام بھی کیا ہے، دوستوں کا دوست باصلاحیت ڈیزائنر ہے، میاں وصی کی صحت تندرستی کی دعا بھی کرتی ہوں اور امید ہے کہ بہت جلد میاں وصی انٹرنیشنل سطح پر پاکستان کا نام روشن کرے گا، نامور بیوٹیشن روبی شہزاد نے کہا کہ میاں وصی کی لمبی زندگی کے لیئے دعا گو ہوں، یہ ہمارا پیارا سا بھائی ہے، اللہ پاک اس کو مزید کامیابیوں سے نوازے،بیوٹیشن رائمہ نے کہا کہ میاں وصی ہنس مکھ طبیعت کامالک ہے، سب کی خوشیوں میں شریک ہوتا ہے یہی وجہ ہے کہ سب ان کی تقریب میں شریک ہیں میاں وصی کی سالگرہ کا کیک سب فنکاروں اور مہمانوں نے میاں وصی کے ساتھ مل کر کاٹا اور کہا کہ سالگرہ میں شامل ہو کر بڑی خوشی ہوئی ، ان کی صحت سلامتی کی دعاء کرتے ہیں،آخر میں میاں وصی نے کہا کہ آپ سب میرے فیملی ممبرزہیں اوراور میری ہمیشہ کوشش اور خواہش رہی ہے کہ اپنی خوشیاں اپنے دوستوں اور فیملی کے ساتھ مل کر مناؤں، آپ سب کا شکریہ ادا کرنے کے لیئے میرے پاس الفاظ نہیں ہیں، ہمیں ایسی خوشیاں ایسے ہی منانی چاہیءں، آخر میں مہمانوں کی کھانے سے تواضع کی گئی، مہمانوں کا کہنا تھا کہ سالگرہ تقریب یادگار تقریب بن گئی اس طرح ایک دوسرے کی چھوٹی چھوٹی خوشیاں مل کر منانی چاہیں،کیونکہ ہم سب ایک فیملی کی صورت ہیں، پہلے شوبز تقریبات ہوتی تھیں، اب ایسی تقریبات میں ان دوستوں سے بھی ملاقات ہوتی، جو سالوں نہیں مل سکتے، کیونکہ موجودہ دور میں ہر بندہ مصروف ہے،
