لاہور(شوبزرپورٹر)معروف اداکارہ وماڈل مومل علی(دیا جٹ )پر قسمت کی دیوی مہربان ہوگئی،بیک وقت چار مختلف پراجیکٹس میں کاسٹ کرلیا گیا،تفصیلات کے مطابق اداکارہ مومل علی( دیا جٹ )جو شوبزمیں اپنا مقام بنانے میں کامیاب ہو چکی ہیں اور قسمت کی دیوی ان پر مہربان ہو چکی ہیں آجکل مومل علی (دیا جٹ )گجرات میں اپنی اردو فلم کی شوٹنگ میں مصروف ہیں اس کے ساتھ ساتھ وہ اپنی نئی پنجابی فلم اور ٹی وی ڈرامے کی شوٹنگ لاہور میں کروا رہی ہیں ان مصروفیات کی بناء پر وہ لاہور اور گجرات کے دوران شٹل کاک بن چکی ہیں۔ایک ملاقات کے دوران مومل علی( دیا جٹ )نے بتایاکہ ان دنوں انہیں کسی سے بات کرنے کا وقت بھی نہیں مل پارہا صبح وہ گجرات ہوتی ہیں اور شام لاہور میں اپنے ڈرامے کی ریکارڈنگ کروا رہی ہوتی ہیں۔ایک سوال کے جواب میں مومل ( دیا جٹ) نے بتایاکہ وہ اپنی صلاحیتوں کے بل بوتے پر کام کررہی ہیں اور ان کی پرفارمنس دیکھتے ہوئے انہیں نئے پراجیکٹس کا حصہ بنایا جارہاہے۔مومل علی(دیا جٹ) نے مذید کہاکہ وہ معیاری کام کو ترجیح دینگی تاکہ ان پر کوئی خاص لیبل نہ لگ سکے۔
